Ambasadori i Britanisë së Madhe në Kosovë, Nicholas Abbott, sot ka vizituar kompaninë Viva Fresh Store dhe më këtë rast, ai u takua me menaxhmentin dhe pronarin e kompanisë z. Xhevdet Rexhepi.
Gjatë takimit, mes tjerash z. Rexhepi e njoftoi ambasadorin për projektet strategjike dhe zhvillimore që kompania Viva Fresh Store është duke i implementuar brenda dhe jashtë vendit. Gjatë vizitës së tij në Qendrën e Logjistikës u njoftua nga afër edhe me teknologjinë e fundit të sistemeve më inovative dhe efikase të menaxhimit “smart” brenda hapësirave të logjistikës si dhe u takua edhe me stafin përcjellës të kompanisë pa të cilët, suksesi dhe zgjerimi i saj, do të ishte i pamundur!
Ju kujtojmë se ditë më parë, Oda Ekonomike e Kosovës në shënimin e 60 vjetorit të saj, ka ndarë shpërblimet vjetore për kompanitë më të suksesshme të Republikës së Kosovës dhe më këtë rast, Viva Fresh Store është shpërblyer me dy çmime “Punëdhënësi i Vitit 2022” dhe “Tatimpaguesi i Vitit 2022”.
